Gəncə. 24 sentyabr. REPORT.AZ/ Goranboyda piyadanın xəsarət alması ilə nəticələnmiş yol qəzası baş verib.
Gəncə şəhər Təcili Tibbi Yardım Xəstəxanasından "Report"un Qərb bürosuna verilən məlumata görə, Goranboyun Nizami kəndində Göygöl rayon sakini, 1966-cı il təvəllüdlü Qurbanov Azər Əliskəndər oglunu avtomobil vurub.
Yaralı avtomobilin sürücüsü tərəfindən xəstəxanaya çatdırılıb və travmatologiya şöbəsinə yerləşdirilib.
Həkimlər onun vəziyyətini orta-ağır qiymətləndirir.
Faktla bağlı araşdırma aparılır.