Goranboyda avtomobil piyadanı vurub

Goranboy. 17 oktyabr. REPORT.AZ/ Goranboy rayonunda avtomobil piyadanı vurub.

"Report"un Qərb bürosunun məlumatına görə, hadisə rayonun Nərimanlı kəndində qeydə alınıb. 

Belə ki, 1998-ci il təvəllüdlü Ərşəf Taleh oğlu Namazovu yolu keçərkən avtomobil vurub. Müxtəlif dərəcəli bədən xəsarətləri alan piyada əvvəlcə Goranboy Rayon Mərkəzi Xəstəxanasına aparılıb, daha sonra Gəncə şəhərində yerləşən xəstəxanalardan birinə göndərilib.

Faktla bağlı araşdırma aparılır.