Gəncədə inzibati binadakı yanğın söndürülüb

Gəncə şəhər Nizami rayon Məhkəmə binasında baş verən yanğın söndürülüb.

"Report"un Qərb bürosunun məlumatına görə, yanğının daha geniş əraziyə yayılmasının qarşısı alınıb.

21:07

Gəncə şəhərinin Nizami rayonunda inzibati binada yanğın olması barədə Fövqəladə Hallar Nazirliyinin (FHN) “112” qaynar telefon xəttinə məlumat daxil olub.

Bu barədə "Report" FHN-ə istinadən xəbər verir.

Məlumat qəbul ediləndən dərhal sonra FHN-nin Dövlət Yanğından Mühafizə Xidmətinin yanğından mühafizə bölmələri və Gəncə Regional Mərkəzinin xilasetmə qüvvələri çağırış üzrə cəlb olunub.

Hal-hazırda yanğınsöndürmə işləri davam etdirilir.

Əlavə məlumat veriləcək.

20:56

Gəncə şəhər Nizami rayon Məhkəmə binasında yanğın başlayıb.

"Report"un Qərb bürosunun məlumatına görə, binanın 3-cü mərtəbəsində olan otaqların birində qeydə alınan yanğının söndürülməsi üçün 3 yanğınsöndürən avtomobil və canlı qüvvə əraziyə cəlb olunub.

Hadisənin təfərrüatları araşdırılır.

Qeyd edək ki, həmin binada Gəncə Ağır Cinayətlər Məhkəməsinin proseslərinin də aparıldığı binadır.