Cəlilabadda ağır yol qəzası olub, xəsarət alanlar var - YENİLƏNİB

Cəlilabadda baş verən yol qəzasında xəsarət alan şəxslərin kimliyi məlum olub.

"Report"un Muğan bürosunun məlumatına görə, qəza nəticəsində 1975-ci il təvəllüdlü Ceyhun Nəcəfov, 2002-ci il təvəllüdlü Cavid Əsgərov və 1989-cu il təvəllüdlü Davud Həsənov xəsarət alıb. Daha bir nəfərə isə yerində tibbi yardım göstərilib.

Faktla bağlı araşdırmalar davam etdirilir.

Cəlilabadda ağır yol qəzası baş verib.

"Report"un Muğan bürosunun məlumatına görə, hadisə köhnə Ələt-Astara yolunun Cəlilabad rayonunun Alar kəndi ərazisindən keçən hissəsində qeydə alınıb.

Belə ki, "VAZ 2107" markalı minik avtomobili "Hyundai" markalı avtomobillə toqquşub.

Nəticədə 4 nəfər müxtəlif dərəcəli bədən xəsarətləri alıblar. Yaralılar rayon xəstəxanasına çatdırılıb.

Hazırda onların şəxsiyyəti dəqiqləşdirilir.

Faktla bağlı araşdırma aparılır.