Cəlilabadda avtomobil yeniyetməni vurub

Cəlilabad. 3 mart. REPORT.AZ/ Cəlilabad rayonunda yeniyetmənin xəsarət alması ilə nəticələnən yol-nəqliyyat hadisəsi baş verib.

"Report"un Aran bürosu xəbər verir ki, hadisə günorta saatlarında Qarazəncir kəndində qeydə alınıb.

Belə ki, hərəkətdə olan “Priora” markalı avtomobil yolu keçmək istəyən 17 yaşlı Bayramov Ziya Zaur oğlunu vurub. Yaralı Cəlilabad Rayon Mərkəzi Xəstəxanasında ilk tibbi yardım alıb. Lakin onun vəziyyəti ağır olduğundan yaralı Bakı şəhərindəki xəstəxanalardan birinə göndərilib. 

Faktla bağlı araşdırma aparılır.

Daha əvvəl Cəlilabadda baş verən yol qəzasında bir neçə nəfər xəsarət alıb.