Binəqədi rayonunda mənzildə köməksiz qalan uşaq xilas olunub

Bakı. 17 dekabr. REPORT.AZ/ Bakının Binəqədi rayonunda bir azyaşlı mənzildə bağlı qapı arxasında köməksiz vəziyyətdə qalıb.

"Report"-un Fövqəladə Hallar Nazirliyinin (FHN) saytına istinadən verdiyi xəbərə görə, Nazirliyin xilasetmə qüvvələri hadisə yerinə cəlb olunub.

Xilasedicilər mənzilin giriş qapısını açaraq uşağı xilas edib və aidiyyəti üzrə təhvil veriblər. 

Əməliyyat saat 19:00-da başa çatıb.