Bərdədə atanın başından çəkiclə vurulub, oğlu bıçaqlanıb - FOTO

Bərdə. 10 may. REPORT.AZ/ Bərdə rayonunda atanın başından çəkiclə vurulub, oğlu isə bıçaqlanıb.

"Report"un Qarabağ bürosunun məlumatına görə, Ramiz və Yusif Əliyevlər müxtəlif dərəcəli bədən xəsarəti ilə Bərdə Rayon Mərkəzi Xəstəxanasının Travmatologiya şöbəsinə yerləşdirilib. 

Bərdə Rayon Polis Şöbəsinin əməkdaşlarının həyata keçirdikləri əməliyyat-axtarış tədbirləri nəticəsində şəhər sakini Adil İbrahimov şübhəli şəxs qismində saxlanılıb. Onun istifadə etdiyi bıçaq və çəkic isə maddi sübut kimi götürülüb. A.İbrahimov ilkin dindirilmə zamanı törətdiyi əməli etiraf edib.

Faktla bağlı cinayət işi başlanılıb, araşdırmalar davam etdirilir.