Bərdə sakinindən 3 kiloqrama yaxın narkotik maddə götürülüb

Bərdə. 10 may. REPORT.AZ/ Bərdə rayon sakinindən üç kiloqrama yaxın narkotik maddə götürülüb.

Bu barədə "Report"un Qarabağ bürosuna Bərdə Rayon Polis Şöbəsinin (RPŞ) İstintaq bölməsinin rəisi Taleh Şamilov məlumat verib.

O bildirib ki, Bərdə RPŞ-nin əməkdaşları təfindən keçirilən əməliyyat-axtarış tədbirləri nəticəsində saxlanılan Bərdə rayon sakini, Fuad Sadıqovdan şəxsi axtarış zamanı 9 qram, ona məxsus “Lada” markalı avtomobildən isə çəkisi 2 kiloqram 730 qram marixuana aşkar edilərək götürülüb.

Saxlanılan şəxs götürülmüş maddi sübutlarla birgə istintaqa təhvil verilib.

Faktla bağlı cinayət işi başlanıb, araşdırma aparılır.