Bakıda yol qəzası olub, xəsarət alan var

Bakının Suraxanı rayonunda motosikletçini avtomobil vuraraq ağır xəsarət yetirib.

"Report"un məlumatına görə, Hövsan qəsəbəsində 1997-ci il təvəllüdlü Trequlev Rasim İlqar oğlu idarə etdiyi motosikletlə hərəkətdə olarkən avtomobillə toqquşub.

Xəsarət alan motosikletin sürücüsü təcili tibbi yardımın köməkliyi ilə xəstəxanaya çatdırılıb. Müayinə zamanı ona sağtərəfli bud və əlin sınığı diaqnozu qoyulub.

Hadisənin təfərrüatı araşdırılır.