Bakıda tanışını qətlə yetirməkdə təqsirləndirilən şəxsin istintaqı başa çatıb

Bakıda qətl törətməkdə təqsirləndirilən Emil Ağayevin cinayət işi üzrə ibtidai istintaq başa çatıb.

"Report" xəbər verir ki, iş baxılması üçün Bakı Ağır Cinayətlər Məhkəməsinə göndərilib və hakim Leyla Əsgərova-Məmmədovanın sədrliyi ilə araşdırılacaq.

Məhkəmənin hazırlıq iclasının vaxtı hələ məlum deyil.

Qeyd edək ki, hadisə bu ilin mayında paytaxtın Nərimanov rayonunda qeydə alınıb.

Belə ki, Nərimanov rayonu, 1989-cu ildə təvəllüdlü E. Ağayev şəxsi münasibətlər zəmnində Şamil Əliyevi kəsici-deşici alətlə xəsarətlər yetirərək qətlə yetirib.

E.Ağayevə qarşı Cinayət Məcəlləsinin 120.1-ci (Qəsdən adam öldürmə) maddəsi ilə ittiham irəli sürülüb.