Bakıda ruhi xəstə qohumu tərəfindən bıçaqlandı

Bakıda bıçaqlanma hadisəsi baş verib.

"Report"un məlumatına görə, hadisə Yasamal rayonunda qeydə alınıb.

Belə ki, 1968-ci il təvəllüdlü Sadıqov Ağaəli Məmmədhəşim oğlu mübahisə zəminində bıçaqlanıb. Yaralı təcili yardımın köməkliyi ilə 3 saylı Şəhər Kliniki Xəstəxanasına çatdırılıb və əməliyyat olunub.

A.Sadıqovun anasının dediyinə görə, hadisəni öz qohumları törədib. A.Sadıqovun ruhi xəstə olduğu bildirilir.

Faktla bağlı araşdırma aparılır.

Ramin Şahbazov