Bakıda qonşular arasında söyüş üstündə kütləvi dava düşüb, xəsarət alan var

Bakı. 17 may. REPORT.AZ/ Bakının Sabunçu rayonunda qonşular arasında söyüş üstündə kütləvi dava baş verib.

"Report"un xəbərinə görə, Maştağa qəsəbəsi, "Gülçülük Sovxozu" kimi tanınan ərazidə 1970-ci il təvəllüdlü Əliyev Həsən Yaşar oğlu qonşuluqda yaşayan şəxslərə söyüş söydükləri üçün irad tutub.

Nəticədə o, dörd nəfər tərəfindən küt alətlə döyülüb. H.Əliyev ağır kəllə-beyin travması və bədən xəsarətləri alaraq xəstəxanaya yerləşdirilib.

Faktla bağlı Sabunçu Rayon Polis İdarəsində araşdırma aparılır.