Bakıda qadınlara qarşı dələduzluq edən şəxs məhkəmə zalında həbs edilib

Bakı. 31 iyul. REPORT.AZ/ Bu gün Bakı Ağır Cinayətlər Məhkəməsində Azər Əhmədovun cinayət işi üzrə məhkəmə iclası başa çatıb.

"Report"un məlumatına görə, hakim Rauf Əliyevin sədrliyi ilə keçirilən prosesdə hökm oxunub.

Məhkəmənin hökmü ilə A.Əhmədov 8 il 8 ay müddətinə azadlıqdan məhrum edilib. O, məhkəmə zalında həbs edilib.

Qeyd edək ki, A.Əhmədov Elena Cəfərovaya 65 min manat və Zenalova Şükufə qarşı 97 min 500 manat məbləğində dələduzluq edib.

O, Cinayət Məcəlləsinin 178.3.2-ci (dələduzluq, külli miqdarda törəldikdə) maddəsi ittiham olunub.