Bakıda qadını şantaj edən şəxs tutulub

Bakıda qadını şantaj edən şəxs tutulub.

“Report” xəbər verir ki, bu barədə Daxili İşlər Nazirliyi məlumat yayıb.

Məlumata görə, paytaxt sakini 32 yaşlı qadın polisə müraciət edərək bir nəfərin ona məxsus fotoşəkilləri sosial şəbəkələrdə yayacağı ilə hədə-qorxu gəldiyini və 4 min 500 manat pul tələb etdiyini bildirib.

Polis əməkdaşları hədə-qorxu ilə tələb etməkdə şübhəli bilinən 35 yaşlı T.Əhliyarlını saxlayıb.

Faktla bağlı cinayət işi başlanılıb, araşdırma davam etdirilir.