Bakıda piyada ölümü ilə nəticələnən avtoqəza olub

Bakıda avtomobil təxminən 40-45 yaşlarda kişini vurub.

"Report" xəbər verir ki, hadisə Sabunçu körpüsünün yaxınlığında baş verib.

Belə ki, 1980-ci il təvəllüdlü Abdullayev Nail Fuad oğlu idarə etdiyi "Mercedes" markalı avtomobillə Heydər Əliyev prospektində hava limanı istiqamətində hərəkətdə olarkən ehtiyatsızlıqdan piyadanı vurub.

Həmin şəxs aldığı xəsarətlərdən hadisə yerində ölüb. Onun şəxsiyyəti hələlik müəyyən edilməyib.

Faktla bağlı Sabunçu Rayon Polis İdarəsində Cinayət Məcəlləsinin 263.2-ci maddəsi ilə cinayət işi başlanıb.