DİN Bakıda kütləvi intihara cəhd hadisəsi ilə bağlı rəsmi məlumat yayıb

Bakı. 11 dekabr. REPORT.AZ/ Azərbaycan Daxili İşlər Nazirliyi (DİN) Bakıda baş verən kütləvi intihara cəhd hadisəsi ilə bağlı rəsmi məlumat yayıb. "Report" Daxili İşlər Nazirliyinin (DİN) rəsmi saytına istinadən xəbər verir ki, dekabrın 10-da saat 17 radələrində paytaxtın Azərbaycan prospektində yeni inşa edilən 16 mərtəbəli binada fəhlə işləyən Şəki rayon sakini Şamxal Bağırov, onun qardaşı Vüqar, Yevlax rayon sakini Ceyhun Məmmədov və onun qardaşı Sərxan əmək haqlarının vaxtında verilməməsinə etiraz əlaməti olaraq binanın üstünə çıxaraq özlərini atmağa cəhd göstəriblər. Cəhdin qarşısı Yasamal Rayon Polis İdarəsi və Fövqəladə Hallar Nazirliyi əməkdaşları tərəfindən alınıb.