Bakı. 2 oktyabr. REPORT.AZ/ Bakıda beş aya 5 evdən pul,qızıl və məişət əşyaları oğurlayan qardaşlar yaxalanıblar.
"Report" Daxili İşlər Nazirliyinin (DİN) saytına istinadən xəbər verir ki, Kriminalistik Tədqiqatlar İdarəsi və Binəqədi Rayon Polis İdarəsinin (RPİ) 40-cı Polis Bölməsinin əməkdaşlarının keçirdikləri əməliyyat axtarış tədbirləri nəticəsində bu ilin iyun ayından sentyabr ayınadək olan müddətdə rayon ərazisindəki 5 evdən pul, qızıl və məişət əşyaları oğurlamaqda şübhəli bilinən Bakı şəhər sakinləri Ayxan və Rəşad Səfərov qardaşları tutulublar.
A.Səfərovun əvvəllər də məhkumluq həyatı yaşadağı bildirilib.
Faktla bağlı araşdırmalara başlanılıb.