Azərbaycanın ədliyyə naziri ölkə üzrə doğum və nikahın statistikasını açıqlayıb

Bakı. 21 noyabr. REPORT.AZ/ Azərbaycanda doğumun və nikahın sayı artıb. Belə ki, ilin əvvəlindən indiyədək doğumun sayı 130 minə yaxın, nikahın sayı isə 62.500-dən çox olub. “Report”un xəbərinə görə, bu barədə Azərbaycanın ədliyyə naziri Fikrət Məmmədov məlumat verib.

“Ümumilikdə isə bu ilin 9 ayında 262 mindən çox vətəndaşlıq vəziyyəti aktı rəsmiləşdirilib. Eyni zamanda, ölkədə xüsusi notariat institutunun geniş tətbiqi notariat hərəkətlərinin rəsmiləşdirilməsinə öz töhfəsini verib və təkcə 9 ayda notariat əməliyyatlarının sayında artım müşahidə olunaraq, 2,8 milyona yaxın notariat hərəkəti aparılıb. Qeyd olunmalıdır ki, artıq notariat korpusunun 2/3-ni xüsusi notariuslar təşkil edir”, - deyə o bildirib.