Azərbaycanda evdə köməksiz vəziyyətdə qalan 2 azyaşlı xilas edilib

Bakı. 27 noyabr. REPORT.AZ/ Sumqayıt şəhərində evdə köməksiz vəziyyətdə qalan 2 azyaşlı xilas edilib. "Report" Fövqəladə Hallar Nazirliyinin (FHN) rəsmi saytına istinadən xəbər verir ki, Sumqayıt şəhərində mənzildə 3 nəfər, o cümlədən 2 nəfər azyaşlı bağlı qapı arxasında köməksiz vəziyyətdə qalıb. FHN-in xilasetmə qüvvələri hadisə yerinə cəlb olunub. Xilasedicilər mənzilə xüsusi alət və avadanlıqlar vasitəsilə qonşu mənzilin eyvanından keçərək daxil olub və giriş qapısını açıblar. Bununla da vətəndaşlara müvafiq köməklik göstərilib.