Azərbaycan Ordusunun hərbçisi qəzada həlak olub - YENİLƏNİB

Müdafiə Nazirliyi oktyabrın 6-sı saat 03:45 radələrində Füzuli rayonunun Əhmədbəyli kəndi ərazisində yol-nəqliyyat hadisəsinin baş verməsi nəticəsində Azərbaycan Ordusunun hərbi qulluqçusu Babayev Ziya Baba oğlunun vəfat etdiyini təsdiqləyib.

Bu barədə "Report"a nazirlikdən bildirilib.

Müdafiə Nazirliyinin rəhbərliyi hərbi qulluqçunun yaxınlarına dərin hüznlə başsağlığı verib.

Azərbaycan Ordusunun hərbçisi Ziya Baba oğlu Babayev avtomobil qəzasında həlak olub.

"Report" xəbər verir ki, hadisə Füzuli rayonunda qeydə alınıb.

Mərhum doğulduğu Şabran rayonunda dəfn olunacaq.