Ağstafada minik avtomobili yük maşını ilə toqquşub, xəsarət alanlar var

Ağstafa rayonunun Dağ Kəsəmən kəndində 2 nəfərin xəsarət alması ilə nəticələnən yol-nəqliyyat hadisəsi olub.

"Report"un Qərb bürosunun məlumatına görə, minik avtomobilinin yük maşını ilə toqquşması nəticəsində Ağstafa rayon sakini, 1963-cü il təvəllüdlü Azad Mehdiyev və Qazax rayon sakini, 1968-ci il təvəllüdlü Müşfiq Əsgərov xəsarət alıblar.

Yaralılar xəstəxanaya yerləşdirilib, vəziyyətləri ağır və orta-ağır qiymətləndirilir.

Faktla bağlı araşdırma aparılır.