"Abzas Media" işində təqsirləndirilən şəxslərin məhkəməsi başlayıb - YENİLƏNİB

"Abzas Media" işində təqsirləndirilən Ülvi Həsənli, Sevinc Abbasova, Hafiz Babalı, Məhəmməd Kekalov, Fərid Mehralızadə, Elnarə Qasımova və Nərgiz Absalamova barələrində olan cinayət işi üzrə məhkəmə prosesi davam edir.

"Report" xəbər verir ki, prosesdə təqsirləndirilən şəxslərin anket məlumatları dəqiqləşdirilib.

Daha sonra vəkillər təqsirləndirilən şəxslərin şüşə qəfəsdən çıxarılaraq yanlarında oturmaqlarını istəyiblər.

Məhkəmə vəsatəti təmin edib.

Məhkəmə baxışı dekabrın 28-ə təyin edilib.

"Abzas Media" işində təqsirləndirilən Ülvi Həsənli, Sevinc Abbasova, Hafiz Babalı, Məhəmməd Kekalov, Fərid Mehralızadə, Elnarə Qasımova və Nərgiz Absalamova barələrində olan cinayət işi üzrə məhkəmə prosesi başlayıb.

“Report” xəbər verir ki, cinayət işinə Bakı Ağır Cinayətlər Məhkəməsində hakim Rasim Sadıxovun sədrliyi ilə baxılır.

Qeyd edək ki, media nümayəndələri məhkəmə zalına buraxılmayıb.

Xatırladaq ki, rəsmi məlumatlara əsasən, onlar barəsində ötən il Cinayət Məcəlləsinin 206.3.2-ci (qaçaqmalçılıq, qabaqcadan əlbir olan bir qrup şəxs tərəfindən törədildikdə) maddəsi ilə cinayət işi açılıb və barələrində həbs qətimkan tədbiri seçilib.