Abşeronda 21 yaşlı qadın, İmişlidə 69 yaşlı kişi dəm qazından zəhərlənərək ölüb

Abşeronda 21 yaşlı qadın, İmişlidə isə 69 yaşlı kişi dəm qazından zəhərlənərək ölüb.

"Report"un məlumatına görə, Abşeron rayonunun Aşağı Güzdək qəsəbəsində fərdi yaşayış evində yaşayan 2001-ci il təvəllüdlü Qaracayeva Tahirə Bəxtiyar qızı yaşadığı evin hamam otağında dəm qazından zəhərlənərək ölüb.

Faktla bağlı Abşeron Rayon Prokrurluğunda araşdırma aparılır.

Dekabrın 8-də saat 13 radələrində 1953-cü il təvəllüdlü, İmişli rayonu, Bəhrəmtəpə qəsəbəsində yaşayan Həsənov Muxtarǝli Mətləb oğlu yaşadığı evdə qaz sobasından sızan dəm qazından zəhərlənərək ölüb.

Faktla bağlı İmişli Rayon Prokrurluğunda araşdırma aparılır.