Sabiq baş məşqçisi "Real Madrid" klubundan 28 milyon avro təzminat tələb edir

Bakı. 7 mart. REPORT.AZ/ İspaniyanın "Real Madrid" futbol komandasının sabiq baş məşqçisi Xulen Lopetegi müqaviləsinin pozulması qarşılığında klubdan kompensasiya 28 milyon avro tələb edib.

"Report"un "Onda Cero"ya istinadən verdiyi məlumata görə, 53 yaşlı mütəxəssis sabiq komandası ilə məhkəmə çəkişməsinə başlayıb. O, klubla ötən yay 3 illik müqavilə bağlamışdı. 

Qeyd edək ki, "Real Madrid" Xulen Lopetegini 2018-ci ilin oktyabrında istefaya göndərib. O, "kral klubu"nda cəmi 4 ay duruş gətirib. Lopeteginin rəhbərliyi altında paytaxt komandası son 17 ildə ilk dəfə La Liqada 8-ci pillədən aşağı düşüb, son oyununda isə "Barselona"ya 1:5 hesabı ilə uduzub.