"Lester Siti"nin baş məşqçisi istefaya göndərilib

Bakı. 24 fevral. REPORT.AZ/ İngiltərənin "Lester Siti" klubunun baş məşqçisi Klod Püel istefa verib.

“Report” xəbər verir ki, bu barədə komandanın rəsmi saytı məlumat yayıb.

Bildirilir ki, 57 yaşlı fransalı mütəxəssis Premyer-Liqanın 27-ci turunun ev oyununda "Kristan Pelas"a 4:1 hesablı məğlubiyyətdən sonra istefaya göndərilib.

Püel "Lester Siti"nin baş məşqçisi kimi 2017-ci ilin oktyabrından işləməyə başlayıb. Fransalı mütəxəssis bundək "Monako", "Lion", "Nitsa", "Sauthempton" kimi komandalarda fəaliyyət göstərib.

"Lester Siti" hazırda turnir cədvəlində 32 xal ilə 12-ci yerdədir. Turnirə 65 xalla "Mançester Siti" liderlik edir.