İngiltərə milli komandasının sabiq futbolçusu vəfat edib

Bakı. 4 aprel. REPORT.AZ/ Futbol üzrə İngiltərə milli komandasının sabiq futbolçusu və "Çelsi" klubunun keçmiş məşqçisi Rey Uilkins vəfat edib.

"Report"un məlumatına görə, o, 61 yaşında infarktdan dünyasını dəyişib.

Qeyd edək ki, R.Uilkins 1976-1986-cı illər ərzində İngiltərə milli komandasında çıxış edib. Sabiq yarımmüdafiəçi futbolçu karyerası ərzində İngiltərənin "Çelsi" və "Mançester Yunayted", İtaliyanın "Milan" və Fransanın PSJ klublarında çıxış edib.