"Yuventus"un futbolçusu zədə səbəbindən mövsümü başa vurub

İtaliyanın "Yuventus" komandasının müdafiəçisi Xuan Kabal zədə səbəbindən mövsümü erkən başa vurub.

"Report" xəbər verir ki, bu barədə klubun mətbuat xidməti məlumat yayıb.

Müayinə zamanı kolumbiyalı futbolçunun çarpaz bağlarında yırtıq aşkarlanıb.

Qeyd edək ki, X.Kabal cari mövsüm "Yuventus"un heyətində 7 oyuna çıxıb.