Xames Rodriges İspaniya klubu ilə müqavilə bağlayıb

Kolumbiya millisinin futbolçusu Xames Rodriges İspaniyanın "Rayo Valyekano" klubu ilə müqavilə bağlayıb.

"Report" xəbər verir ki, bu barədə İspaniya təmsilçisinin mətbuat xidməti məlumat yayıb.

Sonuncu dəfə Braziliyada "San-Paulu"nun formasını geyinmiş 33 yaşlı yarımmüdafiəçi İspaniya klubuna azad agent kimi keçib.

X.Rodriges bu il ABŞ-də təşkil olunan Amerika Kubokunun ən yaxşı futbolçusu seçilib. Onun komandası finala yüksəlsə də, həlledici oyunda Argentina millisinə 0:1 hesabı ilə məğlub olub.

Qeyd edək ki, X.Rodriges 2023/2024 mövsümündə Braziliya A Seriyasında meydana çıxdığı 18 oyunda 2 qol vurub.