Türkiyə yığmasının üzvü karyerasını Yunanıstanda davam etdirəcək

Türkiyə millisinin yarımmüdafiəçisi Yusuf Yazıcı karyerasını Yunanıstanda davam etdirəcək.

"Report"un "Sport24"ə istinadən məlumatına görə, 27 yaşlı futbolçu "Olimpiakos" klubu ilə anlaşıb.

Qeyd edək ki, Y.Yazıçı ötən mövsüm Fransanın "Lill" klubunun heyətində meydana çıxdığı 42 oyunda 12 qola, 4 məhsuldar ötürməyə imza atıb. Liqa 1 təmsilçisi ilə müqaviləsinin müddəti 2023/2024 mövsümünün sonunda bitən futbolçu hazırda klubsuzdur.