Məşhur futbolçu Braziliya klubuna qayıdıb

İtaliya "Milan"ının və Braziliya milli komandasının sabiq futbolçusu Aleşandre Pato ölkəsinin "San Paulu" klubuna qayıdıb. 

"Report" klubun rəsmi saytına istinadən xəbər verir ki, 30 yaşlı hücumçu Braziliya təmsilçisi ilə müqavilə imzalayıb. Onun sözləşməsi 2022-ci ilə qədər nəzərdə tutulub. 

Qeyd edək ki, A.Pato 2007 - 2013 illərdə "Milan"da çıxış edib. 2014-2015 mövsümündə də "San Paulu"nun şərəfini qoruyan oyunçu Braziliya millisinin heyətində 27 oyunda 10 qola imza atıb.