"Sabah" ukraynalı futbolçunu növbəti dəfə icarəyə götürüb

"Sabah" növbəti futbolçu transferini gerçəkləşdirib.

Paytaxt təmsilçisindən "Report"a verilən məlumata görə, Ukraynanın “Şaxtyor” (Donetsk) klubundan Aleksey Kaşuk icarəyə götürülüb.

Ukraynalı oyunçu cari mövsümün sonunadək "Sabah"da çıxış edəcək.

Qeyd edək ki, Aleksey Kaşuk 2021/2022 mövsümündə də icarə əsasında "Sabah"ın formasını geyinib. 22 yaşlı yarımmüdafiəçi ötən mövsüm Premyer Liqada 8 oyuna çıxıb və 2 qolla yadda qalıb.