​Robert Prosineçki: "İkinci qoldan sonra komanda həvəsdən düşdü"

Bakı. 14 oktyabr. REPORT.AZ/ “Rəqibi qələbə münasibətilə təbrik edirəm. Azərbaycan millisində çalışdığım dövr ərzində ən pis oyunumuzu oynadıq. Rəqib çox istəkli idi".

"Report" xəbər verir ki, bu sözləri Avro-2016-nın təsnifat mərhələsində Bolqarıstan millisi ilə son oyundan sonra (2:0) keçirdiyi mətbuat konfransında Azərbaycan yığmasının baş məşqçisi Robert Prosineçki deyib.

"Səhvlərimizi təhlil edib üzərində işləyəcəyik. Bir neçə gün öncə İtaliya millisi ilə çətin oyun keçirmişdik. Bir qədər yorğunluq var idi. İkinci hissənin əvvəllərində üstün oynadıq, ancaq rəqib ikinci qolu vurduqdan sonra komanda həvəsdən düşdü”.