"Real Madrid" Benzema ilə müqaviləni uzadır

İspaniya "Real Madrid"i futbolçusu Kərim Benzema ilə yeni müqavilə imzalayacaq.

"Report" xəbər verir ki, bu barədə italiyalı jurnalist Nikola Skira paylaşım edib.

Onun sözlərinə görə, tərəflər sözləşmə müddətinin 2024-cü ilin yayınadək uzadılması ilə bağlı danışıqları yekunlaşdırmaq üzrədir. 35 yaşlı fransalı hücumçunun hazırkı sözləşməsi 2023-cü ilin iyununda başa çatacaq.

Qeyd edək ki, Kərim Benzema ötən mövsüm 46 oyunda 44 qol və 15 məhsuldar ötürmə ilə yadda qalıb. Bu, təcrübəli forvardın karyerasında ən yaxşı mövsüm olub.