Qrem Potter: "Tunis millisinə daha çox qol vura bilərdik"

İsveç millisi Tunisin qapısına daha çox qol vura bilərdi.

"Report" xarici mediaya istinadən xəbər verir ki, bunu İsveç millisinin baş məşqçisi Qrem Potter Tunis millisinə qarşı DÇ-2026-nın qrup oyunundan sonra mətbuat konfransında deyib.

"Möhtəşəm oyun idi. Beş qol vurduq, meydanda çox bütöv və möhkəm göründük. Hətta daha çox qol vura bilərdik. Bütün təriflər oyunçularıma məxsusdur. Onlar fantastik idilər. Təbii ki, hələ də inkişaf etdirilməli olan məqamlar var ki, bu da bizim üçün vacibdir. Lakin bu gecə qələbənin dadını çıxaracağıq, sonra isə bərpa olunub növbəti oyuna hazırlaşacağıq", - deyə mütəxəssis vurğulayıb.

Qeyd edək ki, F qrupunda baş tutan görüşdə İsveç yığması Tunisi 5:1 hesabı ilə məğlub edib.