"Qarabağ" "Sabah"la heç-heçə edib

"Qarabağ" Misli Premyer Liqasında "Sabah"la heç-heçə edib.

"Report"un məlumatına görə, XVI turun ikinci oyunu "Bank Respublika Arena"da keçirilib.

Qarşılaşma 1:1 hesabı ilə başa çatıb.

49-cu dəqiqədə meydan sahiblərindən Neqoş Kupusoviç hesabı açıb. 68-ci dəqiqədə Nəriman Axundzadə tarazlığı bərpa edib.

Rəqiblərindən bir oyun az keçirən "Qarabağ" 38 xalla ikinci pillədə qərarlaşıb. Paytaxt klubu 23 xalla beşincidir.

Günün ilk matçında "Araz-Naxçıvan" "Səbail"i iki cavabsız qolla üstələyib.

Qeyd edək ki, turun digər oyunları 8-9 dekabrda gerçəkləşəcək.