“Qarabağ” – “Bayer 04” oyununa 30 000 bilet satılıb

“Qarabağ”ın UEFA Avropa Liqasının qrup mərhələsinin IV turunda Almaniya klubu “Bayer 04” ilə qarşılaşacağı oyuna 30 000 bilet satılıb.

Bu barədə “Report”a Azərbaycan çempionunun mətbuat xidmətindən məlumat verilib.

Bildirilib ki, bu gün baş tutacaq matçın bütün biletləri satılıb. Bu isə o deməkdir ki, Tofiq Bəhramov adına Respublika stadionunun tribunaları tam dolacaq.

Qeyd edək ki, “Qarabağ” – “Bayer 04” matçı saat 21:45-də başlayacaq.