"Qarabağ" Azərbaycan çempionatlarında 350-ci "quru" hesablı qələbəsini qazanıb

Futbol

03 noyabr, 2025
10:41

"Qarabağ" Azərbaycan çempionatlarında 350-ci "quru" hesablı qələbəsini qazanıb.

"Report" Peşəkar Futbol Liqasının mətbuat xidmətinə istinadən xəbər verir ki, Misli Premyer Liqasının X turunun "İmişli" ilə oyunu "Qarabağ" üçün yubileylə əlamətdar olub.

Ağdam klubu ölkə çempionatlarında 350-ci "quru" hesablı qələbəsini 2 cavabsız qolla qazanıb.

"Qarabağ" 202 dəfə evdə, 145 dəfə səfərdə, 3 dəfə neytral meydanda qol buraxmadan qalib gəlib. Ağdamlıların ilk belə qələbəsi 1992-ci il mayın 6-da "Şirvan"la ev matçına (6:0) təsadüf edib. "Qarabağ"ın "quru" hesablı qələbələrindən beşi cari mövsüm qeydə alınıb.

Qeyd edək ki, "Neftçi" 319, "Şamaxı" 186, "Kəpəz" 150, "Bakı" 147, "Turan" 145 görüşdə qol buraxmadan xal itirməyib.