Premyer Liqanın XX turunda "Zirə" "Şamaxı"ya qalib gəlib

Misli Premyer Liqasının XX turunun açılış oyununda "Zirə" "Şamaxı"ya qalib gəlib.

"Report"un məlumatına görə, Şamaxı şəhər stadionunda baş tutan görüşdə hesabı ev sahibləri açıb.

38-ci dəqiqədə Brahim Konate diqqət mərkəzinə düşüb. Failə ərəfəsində qonaqlar hesaba tarazlıq gətiriblər. 45+2-ci dəqiqədə Ruan Renato dəqiq zərbə müəllifi olub.

"Qartallar"ın qələbə qoluna isə Salifu Suma imza atıb. 49-cu dəqiqədə bölgə təmsilçisinin qapısına yol tapan futbolçu komandasına 2:1 hesablı qələbə qazandırıb.

Hazırda Bakı klubu turnir cədvəlində 36 xalla üçüncü pillədə qərarlaşıb. Səkkizinci olan "Şamaxı" 17 xala malikdir.

Qeyd edək ki, turun digər oyunları yanvarın 25-də və 26-da keçiriləcək.