“Neftçi”nin futbolçusu Türkiyəyə yollanıb

“Neftçi”nin futbolçusu Emil Balayev Türkiyəyə yollanıb.

Klubun mətbuat xidmətindən “Report”a verilən məlumata görə, uzun müddətdir zədədən əziyyət çəkən Azərbaycan millisinin qapıçısı qardaş ölkədə bərpa prosesini davam etdirir.

29 yaşlı qolkiper hazırda İstanbuldadır. O, bir neçə gündən sonra Vətənə qayıdacaq. E.Balayevin qış təlim-məşq toplanışı dönəmində fərdi hazırlıqlara başlaması planlaşdırılır.

Qeyd edək ki, Emil Balayev yay fasiləsində Rusiyada təşkil olunan “Matc TV” turnirində, Serbiya klubu “Srvena Zvezda” (0:4) ilə görüşdə zədələnib.