"Neftçi"nin baş məşqçisi: İlk oyunun nəticəsi hər iki komandaya təsir etdi

İlk oyunun nəticəsi hər iki komandaya təsir etdi.

"Report"un məlumatına görə, bunu "Neftçi"nin baş məşqçisi Miodraq Bojoviç "Qarabağ"a 1:4 hesabı ilə uduzduqları Azərbaycan Kubokunun yarımfinal mərhələsinin cavab matçından sonra mətbuat konfransında deyib.

Mütəxəssis qarşılaşmanın ikinci yarısının daha maraqlı alındığını bildirib: "Çoxlu qol vəziyyətləri oldu. Bu gün əvvəlki görüşlərdə özlərini göstərə bilməyən futbolçulara şans verdim".

Monteneqrodan olan baş məşqçi komandasının yaxşı müdafiə oluna bilmədiyini söyləyib: "Bu istiqamətdə işləyirik. Qarşıda beş oyun var. Nəticəyə fokuslanmalı və istədiyimiz yeri tutmalıyıq".