Rauf Əliyev "Neftçi"dən kənarlaşdırılıb

"Neftçi" klubu futbolçusu Rauf Əliyevlə yollarını ayırıb.

Klubdan "Report"a verilən məlumata görə, 31 yaşlı hücumçunun müqaviləsi birtərəfli şəkildə ləğv edilib.

Rəhbərlik Əliyevə komandadakı xidmətlərinə görə təşəkkür edib və ona gələcək karyerasında uğurlar arzulayıb.

Qeyd edək ki, ötən ilin iyununda "Qəbələ"dən transfer edilən Azərbaycan millisinin üzvü ilə 2 illik müqavilə imzalanmışdı.