"Neftçi" icarədə olan futbolçusunu geri qaytarıb

Son iki mövsümü icarə əsasında "Keşlə" futbol klubunda (hazırkı "Şamaxı") keçirən Rəhman Hacıyev müqavilə ilə məxsus olduğu "Neftçi"yə qayıdıb.

"Report" "ağ-qaralar"ın rəsmi saytına istinadən xəbər verir ki, 29 yaşlı yarımmüdafiəçi paytaxt təmsilçisində 17 nömrəli formanı geyinəcək.

Qeyd edək ki, “Neftçi” ilə 2023/2024 mövsümünün sonunadək müqaviləsi olan Rəhman Hacıyev 2014-2020-ci illərdə Bakı klubunun heyətində 166 oyuna çıxıb, 16 qol vurub.