“Neftçi” bilet sataraq, Qarabağ Dirçəliş Fonduna və "YAŞAT"a ianə edəcək

“Neftçi” bilet sataraq, Qarabağ Dirçəliş Fonduna və "YAŞAT"a ianə edəcək “Neftçi” PFK, “Neftçi” – “Dinamo” (Tbilisi) oyununun bilet satışından əldə olunan gəlirin yarısını Qarabağ Dirçəliş Fonduna ianə edəcək
Futbol
866
12 İyul , 2021 17:07
“Neftçi” bilet sataraq, Qarabağ Dirçəliş Fonduna və YAŞATa ianə edəcək

“Neftçi” klubu Gürcüstanın "Dinamo" (Tbilisi) komandası ilə Çempionlar Liqasının I təsnifat mərhələsinin cavab görüşü üçün bilet satışından əldə edəcəyi vəsaitin yarısını Qarabağ Dirçəliş Fonduna və “YAŞAT” Fonduna ianə edəcək.

Qarabağ Dirçəliş Fondundan "Report"a verilən məlumata görə, biletlər 13 iyul saat 10:00-dan satışa çıxarılacaq.

Qiyməti 5 manat (1A, 2A, 4A, 5A, 1B, 2B), 10 manat (3B) və 20 manat (3A) təşkil edən biletləri “Bakcell Arena” stadionunun kassalarından əldə etmək olar. Kassalar saat 21:00-dək işləyəcək.

Qarabağ Dirçəliş Fondu Azərbaycanın işğaldan azad edilmiş ərazilərində dayanıqlı məskunlaşma üçün müasir və layiqli həyatın təmin edilməsi, bütün sahələrdə quruculuq-bərpa və abadlıq işlərinin aparılması, habelə təhlükəsiz yaşayışın, səmərəli fəaliyyətin və rifahın davamlı artmasının dəstəklənməsi məqsədilə yaradılıb. "YAŞAT" isə ərazi bütövlüyünün müdafiəsi ilə əlaqədar yaralananların və şəhid ailələrinin təminatına dəstək fondudur.

Qeyd edək ki, iyulun 14-də "Bakcell Arena"da keçiriləcək "Neftçi" - "Dinamo" matçı saat 21:00-da başlanacaq. İlk oyunda Azərbaycan komandası qalib gəlib - 2:1.

Son xəbərlər

Orphus sistemi