Messinin komandası ABŞ Açıq Kubokunun finalında məğlub olub

Lionel Messinin komandası “İnter Mayami” ABŞ Açıq Kubokunun finalında “Hyuston Dinamo”ya məğlub olub.

“Report”un məlumatına görə, Florida ştatında keçirilən görüşdə “Hyuston Dinamo” 2:1 hesablı qələbə qazanıb.

“İnter Mayami”nin aparıcı futbolçuları Lionel Messi və Jordi Alba zədə səbəbindən qarşılaşmada iştirak etməyiblər.

Qeyd edək ki, “İnter Mayami” növbəti oyununu oktyabrın 1-də MLS çərçivəsində “Nyu York Siti”yə qarşı keçirəcək.