"Mançester Yunayted" braziliyalı hücumçu ilə güclənə bilər

İngiltərə təmsilçisi "Mançester Yunayted" "Vulverhempton"un hücumçusu Mateus Kunya ilə güclənə bilər.

"Report" xarici KİV-ə istinadən xəbər verir ki, "qırmızı şeytanlar" 25 yaşlı futbolçunun xidmətində maraqlıdır.

Lakin qarşı tərəf oyunçusunu buraxmaq niyyətində deyil və ona 2030-cu ilin yayına qədər nəzərdə tutulan yeni müqavilə təklif etməyə hazırlaşır.

M.Kunyanın "Vulverhempton"la hazırkı sözləşməsinin müddəti 2027-ci ildə başa çatacaq. Braziliyalı futbolçu cari mövsüm 20 qarşılaşmada 10 qol vurub.