"Mançester Siti" "Barselona"nın futbolçusunu transfer etməyi düşünür

İngiltərənin "Mançester Siti" klubu İspaniya təmsilçisi "Barselona"nın yarımmüdafiəçisi Dani Olmonu transfer etməyi düşünür.

"Report" "Relevo"ya istinadən xəbər verir ki, "şəhərlilər"in baş məşqçisi Xosep Qvardiola 27 yaşlı futbolçunun xidmətində maraqlıdır.

Klub rəhbərliyi oyun keyfiyyətləri üstün olan, qol şansları yaratmağı bacaran və texnikalı yarımmüdafiəçi axtarışında olduğu üçün Olmonun mümkün keçidinə müsbət yanaşır.

Lakin futbolçunun özünün transferlə bağlı mövqeyi hələlik bilinmir.

Qeyd edək ki, Dani Olmo cari mövsüm "Barselona"nın heyətində 36 oyun keçirib, 11 qol vurub və 6 məhsuldar ötürmə edib.