Azərbaycan millisinin futbolçusu Mahir Emrelinin çıxış etdiyi Xorvatiyanın "Dinamo" klubu UEFA Konfrans Liqasında növbəti matçını keçirib.
"Report"un məlumatına görə, Zaqreb təmsilçisi Yunanıstanın PAOK komandasını qəbul edib.
Görüşün baş hakimi azərbaycanlı FIFA referisi Əliyar Ağayev olub. Matç Bakı vaxtı ilə saat 00:00-da başlayıb.
Qarşılaşma “Dinamo”nun 2:0 hesablı qələbəsi ilə başa çatıb.
Türkiyənin "Fənərbağça" klubu isə Belçikada “Yunion”un qonağı olub. Bu oyunun da start fiti saat 00:00-da çalınıb. Matç “Fənərbağça”nın 3:0 hesablı qələbəsi ilə başa çatıb. Qolları Mişi Batşuayi, Ceyden Ostervolde və Duşan Tadiç vurublar.
Qeyd edək ki, Konfrans Liqasında 1/8 final mərhələsinin cavab qarşılaşmaları martın 14-də gerçəkləşəcək.