"Liverpul"un yarımmüdafiəçisi zədə səbəbindən 2 ay futboldan uzaq qalacaq

İngiltərənin "Liverpul" klubunun yarımmüdafiəçisi Harvi Elliott ciddi zədə alaraq 2 aya yaxın yaşıl meydanlardan uzaq qalacaq.

"Report" “The Times”a istinadən xəbər verir ki, 21 yaşlı futbolçu İngiltərənin gənclərdən ibarət millisinin heyətində sıradan çıxıb.

Onun ayaq sümüyündə sınıq aşkarlanıb.

Qeyd edək ki, H.Elliott cari mövsüm "Liverpul"un heyətində 1 görüşdə, 7 dəqiqə meydanda olub.