“Liverpul”un futbolçusu “Bayer 04” ilə razılaşıb

“Liverpul”un 22 yaşlı müdafiəçisi Carell Kuansa Almaniyanın “Bayer 04” klubu ilə razılaşıb.

“Report” xəbər verir ki, bu barədə futbol insayderi Fabritsio Romano sosial şəbəkədə yazıb.

“Carell Kuansa “Bayer Leverkuzen” ilə şəxsi şərtlər üzrə şifahi razılıq əldə edib!”, – jurnalist qeyd edib.

O bildirib ki, klublar müqavilə üzrə razılığa yaxındırlar: “Məbləğ 30 milyon funt sterlinq üstəgəl bonuslar olacaq”.

“Razılaşmanı tezliklə tamamlamaq üçün danışıqlar davam edir”, – o vurğulayıb.

Xatırladaq ki, daha əvvəl Romano Almaniya millisinin üzvü Florian Virtsin “Bayer 04”dən “Liverpul”a keçidinin razılaşdırıldığını açıqlamışdı.