“Liverpul” “Arsenal”la “sülh”ə razılaşıb liderlik fürsətini əldən verib

İngiltərə Premyer Liqasının 18-ci turu çərçivəsində “Liverpul” və “Arsenal” komandaları qarşılaşıb.

"Report" xəbər verir ki, “Enfild” stadionunda baş tutan mərkəzi oyunda qalib müəyyənləşməyib - 1:1.

Görüşün əvvəlində, 4-cü dəqiqədə Qabriel “Arsenal”ı önə çıxararaq hesabı açıb - 1:0. 29-cu dəqiqədə Məhəmməd Salah hesabı bərabərləşdirib.

Bu nəticədən sonra “Liverpul” turnir cədvəlində ikinci pilləyə yüksəlib. Komanda 18 görüşdən 39 xal toplayıb. 40 xalı olan “Arsenal” isə birinci yerdə qalıb. Beləliklə, Yurgen Kloppun komandası “topçular”ı ötərək Premyer Liqada ilk yeri tutmaq fürsətini əldən verib.